Главная Мой профиль Регистрация Выход Вход

Главная | Регистрация | | Вход Приветствую Вас, любители кино | RSS




Армянские фильмы, армянские мультфильмы вы можете смотреть в разделе - все армянские фильмы и сериалы нашего кино портала Ленинакан ком.



[ Новые сообщенияУчастникиПравила форумаПоискRSS ]
Страница 3 из 10«12345910»
фото - видео - стихи - анекдоты » ПЕСНИ И СТИХИ » Стихи » Վահան Տերյան | Vahan Teryan | Ваан Терьян
Վահան Տերյան | Vahan Teryan | Ваан Терьян
Армянские-фильмыСмотреть № - 1.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

Վահան Տերյան / Vahan Teryan

Բարի գալուստ Վահան Տերյանի կյանքը եւ ստեղծագործական ժառանգությունը ներկայացնող Teryan.com նախագիծ:

Այս կայքում հավաքված են Տերյանի բոլոր բանաստեղծությունները եւ դրանց թարգմանությունները (մասնավորապես՝ Հայաստանում առաջին անգամ հրապարակվող անգլերեն թարգմանություններ), այլ աուդիո, ֆոտո եւ վիդեո նյութեր: Մեծ բանաստեղծի կյանքը ներկայացված է եռալեզու Կենսագրություն բաժնում եւ կենսագրական լուսանկարների պատկերասրահում: Հոդվածներ բաժնում հավաքված են Տերյանի կյանքի եւ ստեղծագործության ուսումնասիրություններ: Ներկայացված են նաեւ տեղեկություններ եւ լուսանկարներ ամեն տարի Ջավախքում անցկացվող Տերյանական օրերի եւ Գանձայում Տերյանի տուն-թանգարանի մասին:

Teryan.com նախագիծը համագործակցության է հրավիրում Վահան Տերյանի մասին տեղեկություններ, արխիվային նյութեր ունեցողներին: Դիմեք մեզ հետադարձ կապի էջում, եւ Ձեր նյութերը նույնպես կարող են տեղադրվել այս կայքում:
1885թ. հունվար 28-ին Ջավախքում` Ախալքալաք գավառի Գանձա գյուղում, ծնվել է Վահան Տերյանը:
____1897թ. մեկնել է Թիֆլիս, ուր այդ ժամանակ սովորում էին իր ավագ եղբայրները։ Այնտեղ ապագա բանաստեղծը սովորել է ռուսերեն:
____1899թ. ընդունվել և 1906թ. ավարտել է Լազարյան ճեմարանը, ուր ծանոթացել է Ալեքսանդր Մյասնիկյանի, Պողոս Մակինցյանի, Ցոլակ Խանզադյանի և այլ՝ ապագայում հայտնի դարձած, անձնավորությունների հետ։
____1906թ. ընդունվել է Մոսկվայի համալսարան, որից կարճ ժամանակ հետո ձեռբակալվել է հեղափոխական գործունեության համար ու տարվել Մոսկվայի Բուտիրկա բանտը։
____1908թ. Թիֆլիսում լույս է տեսել նրա ստեղծագործությունների «Մթնշաղի անուրջներ» ժողովածուն, որը շատ ջերմ է ընդունվել թե՛ ընթերցողների և թե՛ քննադատների կողմից։
____1915թ. «Մշակ» թերթում հրատարկվել է բանաստեղծի հայրենասիրական բանաստեղծությունների «Երկիր Նաիրի» շարքը։
____1917թ. հոկտեմբերին ակտիվորեն մասնակցել է բոլշևիկյան հեղափոխությանը և այն հաջորդած քաղաքացիական պատերազմին։ Լենինի ստորագրությամբ մասնակցել է Բրեստի խաղաղ պայմանագրի ստորագրմանը։
____1919թ. առաջադրանք է ստացել մեկնել Թուրքմենստան՝ լինելով Համառուսական Կենտրոնական Գործկոմի անդամ, սակայն թոքախտ հիվանդության պատճառով ստիպված է եղել մնալ Օրենբուրգում:
____1920 թ. հունվար 7-ին մահացել է Օրենբուրգում:



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
Армянские-фильмыСмотреть № - 11.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

Վերադարձ
1911

1.

Մենության խավար զնդանից կրկին
Ես վերադարձա հզոր ու հպարտ,
Եվ ինձ ողջունեց աղմուկը զվարթ,
Ու նոր խնդությամբ այրեց իմ հոգին...

Անխոս տանջանքիս գիշերում անքուն
Իր հուրը վառեց պայծառ մի կարոտ —
Նոր սիրով լեցուն՝ դարձա ես ձեզ մոտ,
Եվ նոր երգեր են հնչում իմ հոգում։

Եկա, որ այստեղ ձեզ համար այսօր
Հըրեղեն խոսքեր կռեմ ու խնդում,
Լսեմ հաղթական մարտի ցնծություն,
Տեսնեմ շարքերը ձեր հզորազոր։

Եվ լուսաբացինք երբ հոգնած լինեք,
Երբ քնած լինեք թշնամուց խաբված,
Արևածագի ցնծությամբ արբած,
Կանչեմ ձեզ, ճչամ՝ եղբայրնե՜ր, ելե՛ք...

2.

Միշտ նույն խոհերի շշուկին հլու,
Միշտ նույն կարոտի կսկիծը պահած՝
Ես դուրս եմ գալիս նորից շրջելու
Նեղ փողոցներն ու կրկեսները բաց։

Շփոթ նվագով աղմուկ ու սուլոց
Շարժում են առաջ օրը ժրաջան —
Բոցոտ խնջույքում, ձուլված խինդ ու կոծ,
Հյուսել են կյանքի կախարդված շրջան։
Հապճեպ հոսանքում և՛ մարդ, և՛ անիվ,
Ալեկոծությամբ մի խայտանկար
Խենթ փողոցների բավիղներն անթիվ
Ջրերի նըման խառնում են իրար։
Ամեհի ձայնով երկաթն է խոսում,
Պողպատն է ճչում շաչյունով դողդոջ —
Եվ բազմաղաղակ օրերի լեզուն
Հնչում է այստեղ, որպես մարտակոչ։

Այս աղմկահյուս կյանքի խենթ բոցում
Այրում է սիրտըս սրբազան մի դող,
Հուզում է հոգիս մի վեհ հիացում,
Եվ սարսափելին՝ թվում է դյութող...
Մաշված է կյանքըս վշտում անաղարտ
Եվ տառապանքի օրերում համառ,
Բայց ցաված սիրտըս բացել եմ հպարտ,
Նորից ու նորից սիրելու համար։
Ուզում եմ, վաղվա ցնծության գուշակ՝
Կարոտըս նետած լուսեղեն հեռուն,
Վառե՜լ երգերըս, որպես դրոշակ,
Ու մեռնե՜լ, որպես հերոսն է մեռնում...

Զարթե՛ք, երգեր իմ, ժամ է հնչելու,
Զինելու նորից գնդերը ցրիվ,
Մեռած սրտերը կյանքի կոչելու
Եվ բորբոքելու, զայրույթ ու կռիվ...



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
Армянские-фильмыСмотреть № - 12.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

Վերադարձ
1911

ՄԵԿՆԱԲԱՆՈՒԹՅՈՒՆՆԵՐ


ՎԵՐԱԴԱՐՁ - 1. Առաջին անգամ լույս է տեսել 1910 թ. «Գարուն» գրական-գեղարվեստական ալմանախի I գրքում։ Բանաստեղծության սևագիր տարբերակներից է հետևյալ անտիպ հատվածը.

Ես լուռ կըսպասեմ այն ահեղ ժամին,
Արթուն կըմնամ
Եվ երբ լուսածագ ավետող քամին
Անտառում դողա
Եվ երբ սարերի կատարները սև
Արծաթը շողա,
Դուք դեռ մշուշում քնած կըլինեք,
Սիրտըս կըճչա վսեմ հուզումից,
Ես ձեզ մոտ կգամ — որ զվարթ ճչամ
— Եղբայրնե՛ր, ելեք...

Այս հատվածը, որ հավանորեն մնացել է «Նորքի» արխիվից, մեզ հանձնել է Գրականության և արվեստի թանգարանի կրտ. գիտ. աշխատող Պ. Սիմոնյանը։

Աղբյուր՝ Վահան Տերյան - Երկեր։ Հայպետհրատ - Երևան, 1956թ.։



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
Армянские-фильмыСмотреть № - 13.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

ԳԻՇԵՐ-ՑԵՐԵԿ ...

Գիշեր-ցերեկ կրակովդ
Վառեցիր ինձ, խարակ էրիր,
Առաջդ լալով, ողբալով,
Լեզուս լարից բարակ էրիր։

Խռովար, խոլոր աշեցիր,
Հալեցիր, կյանքս մաշեցիր,
Սավդադ ինձանից քաշեցիր,
Էրված սրտիս կրակ էրիր։

Ես Ֆիրաղն եմ, դարդս հազար,
Բարակ մեջքիդ նախշուն մեզար,
Էդ խոսքերը, որ դու խոսար,
Ջիգրիս սուր ու դանակ էրիր։

ԽԱՐԱՊԱ ԷՐ ...

Խարապա էր Տաշվան- թափեն,
Բլել էր ձներու շափեն,
Աղջիկները մանչ կխաբեն,
Շորորա, թառլան, շորորա։

Աղբրի առաջն էր առու,
Ցարս ընկավ ինձեն հեռու,
Պաքմ տվեց տեյի հերու, -
Շորորա, թառլան, շորորա։

Անուշ էր աղբրի ջուրը,
Ելա կայնա բակի դուռը,
Խաբար տարավ պզտի քուրը,
Շորորա, թառլան, շորորա։

ԵՍ ԿԵՐԹԱՄ
...

Այս աշխարհում դարդիս մի ճար չգտա,
Խոր վշտերս ծով են դարձել, ես կերթամ,
Զօր ու գիշեր հանգիստ չունեմ, քուն չունեմ,
Իմ ցավերը սայլին բարձած` ես կերթամ։

Արցունքս լիճ է դարձել, հոգիս խոցվել,
Վշտերիս չափ չկա, հոգիս խռովել է,
Սիրտս գազազել է, ալեկոծվել է,
Ես գարնան հեղեղի պես լցվել եմ, կերթամ։

Ֆիրաղին եմ` կարոտ մեր հին կողմերին,
Մեր սարերին, քաղաքներին, գյուղերին,
Խաբար կառնեմ թռչուններից, հողմերից,
Հայրենի սահմանները անցել եմ, կերթամ։

ԱՎԱ˜Խ

Չկշտացա յարիս սիրուց, կարոտից,
Օտար ճամփաներով գնում եմ, ավա՜խ,
Շնորհակալ եմ մեծ ու փոքրից, բոլորից,
Վիրավոր եմ, վերքս ծանր է, ավա՜խ։

Խելագար եմ դառել, լալիս եմ, լալիս,
Այգիս ավերակ է, ծաղիկ չի տալիս,
Անհամար դարդերս միտքս են գալիս,
Աչքերիցս արցունք թափում եմ, ավա՜խ։

Ստեղծող, Ֆիրաղին եմ, աղերսում եմ քեզ,
Յոթվերքից ուզում եմ բախտ ու մուրազ ես,
Էլ ուրիշ ճար չունեմ, եկել եմ հանդես,
Ճամփես սարերով հարթում եմ, ավա՜խ։

Ի՞ՆՉ ԱՆԵՄ...

Բժիշկ չունեմ ինչպե՞ս պատմեմ դարդերս,
Գազազել եմ, դադար չունեմ, ի՞նչ անեմ,
Անիրավ աշխարհը ինձ արեց յարից,
Ես իմ ցավին էլ ճար չունեմ, ի՞նչ անեմ։

Սրտումս բացվել է անչափ խոր մի վերք,
Ես ում որ սիրեցի, խլեցին տարան,
Աշխարհում ողբալի, խղճալի դառա,
Մի մեծ ողբ ու վթար ունեմ, ի՞նչ անեմ։

Ֆիրաղին եմ, վրդովվել եմ, լալիս եմ,
Վիշտ ու ցավով սիրտս լցրած գալիս եմ,
Հոգս ու խնամք ես իմ յարին տալիս եմ,
Բայց զգում եմ, էլ յար չունեմ, ի՞նչ անեմ։

ՈՎ ՄԱՏԱՂ ԼԻՆԻ

Սպիտակ այտերիդ սև-սև կամարներ,
Այդ սևուկ խալերիդ ո՞վ մատաղ լինի,
Ամբողջ աշխարհում չկա նմանդ,
Այդ դեմքիդ, մազերիդ, ո՞վ մատաղ լինի։

Սուլթան - Սուլեյմանն էլ զրկվեց իր թախտից,
Ձեռք քաշեց յարից, ժպտացող բախտից,
Սոխակները այգում երգում են նորից,
Այդ լեզվիդ, բառերիդ ո՞վ մատաղ լինի։

Ֆիրաղին եմ, յարիս գովել եմ իմ սազով,
Տարվել եմ ես ինձ գերող նրա վարքով,
Քրտինքս սրբեց նա ալ թաշկինակով,
Այդ նազուկ ձեռքերիդ ո՞վ մատաղ լինի։



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
Армянские-фильмыСмотреть № - 14.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

Մ Ա Ր Ի Ն Ա

Սիրտդ բարի, դեմքդ չքնաղ,
Աչքերդ կապույտ, Մարինա,
Երեսիդ վրա ամեն չաղ,
Կա քաղցր ժպիտ, Մարինա։

Քեզ տեսնելիս սիրտս Է վառվում,
Ուշք ու միտքս գլխես տարվում,
Ամենքի հետ քաղցր ես վարվում,
Չես հպարտ, կոպիտ, Մարինա։

Ջուր գնալիս մեր քուչով եկ,
Դեպ Սիային նայիր մեկ - մեկ,
Ծալ - ծալ թափած մազերդ շեկ.
Քյանց խաղողի ճիթ, Մարինա։

ԱՂԲՅՈՒՐԻ ՄՈՏ

Աղբյուրի մոտ տեսա մեկ գեղեցկուհի,
Ասի՝ երանի, ու՞մ յարն ես դու, գյոզալ,
Էլ չափ չկա, որ գին դնի քո բոյին,
Ջավահիր հանքի քարն ես դու, գյոզալ։

Ասացի անխիղճ ես, տվիր ինձ տանջանք,
Բոյդ սալվի - չինար, շրթունքներդ մարջան,
Մի նայվածքդ արժե Ղարաբաղ - Գյանջա,
Ողջ Վրաստանի թայն ես դու, գյոզալ։

Ասի` ես հիվանդ եմ, ջիգյարս յարա,
Ասացիր ինձ մոտ կա դարդերիդ չարա,
Փա՜ռք, որ քեզ տեսա, սիրահար դառա,
Աշուղ Սիայու յարն ես դու, գյոզալ։

ՇՈՂ Է ՏԱԼԻՍ

Շող Է տալիս լուսաբացին,
Փեշը փռած ցողի թացին,
Ինքը նման վառ արին,
Ասի՝ լալ - մարջան ու լացի։

Ոչ լուր ունեմ, ոչ էլ նամակ,
Ձեռք չի անցնի, դարդ է թամամ,
Ինքը յոսմա, կուրծքը շամամ,
Գյnզալների խան վրացի։

Էլ չեմ խփի սազիս լարին,
Խոսքով գովքդ կանեմ բարի,
Վառեցիր աշուղ Սիայուն,
Թավադի ցեղ, ջան վրացի։

ՍԱՐԻ ՋԵՅՐԱՆ

Ուր ես թռչում, սարի ջեյրան,
Թևեր առած թռչուններից,
Մնացել եմ քեզի սեյրան,
Դու կյանք մաշող, սիրուն փերի։

Դեմքդ նման լուսաբացին,
Ձեռք չես անցնի, դարդով լացի,
Սիայու յար, ջավախեցի,
Դարձա սիրուդ հլու գերի։

Մ ՈԻ Հ Ա Մ Մ Ա

Թորոս գյուղի պանդոկում տեղի ունեցած մրցույթի (մուհամմա) ժամանակ
աշուղ Սիային պատասխանում է երիտասարդ աշուղ Սարգսին։

Անծանոթ եղբայրնե՛ր, անծանոթ քույրե՛ր,
Նախ բարևեմ՝ բարով տեսանք մենք իրար,
Աշուղներս ժողովրդին ծառա ենք,
Բարեկամնե՛ր, սիրով հանդիպենք իրար։

Ճանապարհից հոգնած, բեզարած մարդիկ,
Գեղեցիկ խոսք ասենք, փայփայենք իրար,
Այս անցողիկ կարճ ժամերի ընթացքում
Սրտակիցներ դառնանք, ճանաչենք իրար։

Դեռ վաղ մանկութ ես սազ ունեմ իմ ձեռքին,
Մտերիմներ դառնանք, հասկանանք իրար,
Կարզախցի Սիայուն գուցե լսել եք,
Հայ անուններով էլ իմանանք իրար։

Արի ախպե՛ր, ծով դարդերս մի բանա,
Քարին ասեմ, իմ վշտին չի դիմանա,
Սարն էլ լաց կլինի, եթե իմանա,
Մի պահ հանգստանանք, թող երգն էլ մնա։
***
Վշտի վրա նոր ցավ, նոր վիշտ ես դնում,
Գիտեմ, հարազա՛տս, հանգիստ չես քնում,
Հուսանք մեզ էլ նոր առավոտ է բացվում,
Ռուսաստանում ազնիվ մի մարդկություն կա,
Արդարության համար վաղ, թե ուշ կգա։

Բարեկամս, մարդ ամեն ցավ տարել է,
Վշտի ծովն է ընկել, բայց չի դադարել՝
Ափ է դուրս եկել, նպատակը կատարել,
Ինչ ծանր բեռ ասես տարել է մարդը,
Միայն թե չնետվի մահի թակարդը։

Համ էլ վիշտը՝ թեթևացնում է լացով։
Ցավակցողն է օգնում խոսքով կամ հացով,
Միշտ տոկուն կմնա հասած հարվածով,
Ահավոր ցավերին դիմացող մարդը,
Քանի դեռ չի ընկել մահու թակարդը։

Գիտեմ այդ բոլորը դու լավ հասկացար,
Չէ որ կրակների բոցերով անցար,
Այրվեցիր, խանձվեցիր, դիմացար,
Սիայու խրատն էլ հիմա իմացար,
Պիտի ապրի քեզ պես տառապած մարդը։
***
Սիրող սիրտը միշտ չի հասնում փափագին,
Հաճախ թախիծ ու տխրություն է լինում,
Պատահում է խռովում են իրարից,
Ճամփին հազար վտանգ, չարիք է լինում։

Սերը երկու կողմից, եթե չի լինում,
Անժուր է, ակամա, թող ու հեռացիր,
Քան թե վերջում կշռես չարն ու բարին,
Լավ է հենց սկզբից քո լացը լացիր։

Գյուղացին իր հարսը գյուղից է ընտրում,
Աղջկա հորն ու մոր ցեղն է հարցնում,
Գործիմաց սիրունի ձեռքն է խնդրում,
Գործն էլ սիրունության նման իմացեք։

Նախնիներից եկած խրատը բարի,
Վատ չէ, եթե սիրող սիրտը կարարի,
Փորձված թանը մածունից լավ համարիր,
Ճիպոտն էլ քո այգուց կտրել իմացիր։

Շնորհալի Սարգիս, կատարյալ վարպետ,
Մեկ տեղ հասնենք Գյումրի, մեկտեղ դառնանք ետ,
Ձայնդ ղողանջում է ոնց Թափարվան գետ.
Հոր նման հոգատար` դու ինձ իմացիր։

ԱՇՈԻՂ ՍԻԱՅԻՆ ԽՐԱՏՈւՄ Է
ԻՐ ԱՇԱԿԵՐՏ ՄԱԹԵՎՈՍԻՆ

Սազը պատվական է, թե լավ տեր ունի,
Եթե տերն էլ նրա վրա սեր ունի,
Մրցողը համոզվի, որ մի խեր ունի,
Թե չէ ձեռքից շուտ կթռչի լավ սազը։

Եթե երգիչը հույս է դնում իր սազին,
Տարիների փորձին, սպիտակ մազերին,
Սիրուհու շարժ ու ձևին կամ նրա նազին,
Կարող է կորցնել գովական սազը։

Ուժեղ մարդ ես, գլուխ ունես, միտքդ բաց,
Բանավեճը ոչ պանիր է, ոչ էլ հաց,
Նախքան հանդես գալդ քո պակասը լաց,
Որ մրցելիս չկորցնես քո սազը։

Լավ չափիր, իմացիր դեմինդ ով է,
Թե հաղթես էլ, թող ուրիշը քեզ գովե,
Մարդու միտքը մի անհատակ մեծ ծով է,
Ծովից չոր դուրս գալու ձևը իմացիր։

Դեռ փոքր ես, ունես դեռ խրատի կարիք,
Մտքով իմաստացիր, միշտ գործիր բարիք,
Ուրիշին վատ չասես, չգործես չարիք,
Ծանր քարի նման տեղդ ամուր կաց։

Թեկուզ Աքիլեսի պես լինես ուժեղ,
Դու ցույց չտաս հսկա ուժդ ամեն տեղ,
Ուժեղին կարող է խոցել մի տգետ,
Մի թույլ, մի ծույլ, մի տխմար, իմացիր։

Զոհրաբն էլ ասում էր մերն է աշխարհը,
Որ Ռոստոմ Զալն է իմ ծնող հայրը,
Պետք է որ թագուհի դառնա իմ մայրը,
Բայց խորհուրդը ճամփին մնաց կիսկատար։

Սիային եմ, հազար ու մի ցավ կրած,
Ունեմ շատ հեքիաթներ, երգեր հորինած,
Սիրելի վարպետիդ լսիր, միտքդ բաց,
Չհավանած քարն աչք է հանել, իմացիր։



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
Армянские-фильмыСмотреть № - 15.

ԱՎԵՏ




Группа: Администратор
Сообщений:11243
Статус: Offline


Я люблю эту жизнь!
Но больше я люблю ту, которая мне эту жизнь подарила.
Я люблю тебя Мама!








Смотреть: "старые и новые Армянские фильмы".

Leninakan Ленинакан Լենինական



Армения Armenia ՀայաստանHayastan
Haykakan | Armenian | Армянский.
Армянские   фильмыАрмянские сериалыАрмянский  татрон.
ФИЛЬМ ՖԻԼՄ FILM

ԵՐԳ ԽԱՂԱՂՈՒԹՅԱՆ

Ամբողջ մարդկության մտքից թև առավ,
Երբ խաղաղության աղավնին թռավ,
Խավարին ճնշող վառ արև դառավ,
Շողաց լույսերով, խրախույսներով,
Անզոր անճարին լցրեց հույսերով։

Այս կոչն է հատուկ ազգերին համայն,
Ողջ աշխարհով մեկ տվին սիրտ ու ձայն,
Էս երկրի վրա ընդարձակ ու լայն
Թող ծաղկի բարով հաշտության սիրով,
Թող ապրեն մարդիկ խաղաղ, անխռով։

Կռվում քանդվողը մեռնողի տունն է,
Կյանքից էլ թանկը խաղաղությունն է,
Այս կոչը կայուն աշխարհի սյունն է,
Երգի՛ր անսասան, Հավասի՛ գուսան,
Թող հնչի սերը սուրբ խաղաղության։

ԵՐԻՏԱՍԱՐԴ ՀԱՅԱՍՏԱՆ

Երիտասարդ տեսքիդ ու դեմքիդ մատաղ
Ո՛վ իմ սովետական, սիրուն Հայաստան,
Էս չորս տասնյակ տարի ապրելով խաղաղ,
Դառել ես աննման, սիրուն Հայաստան,
Օրեցօր բարձրացող հասակիդ ղուրբան։

Գովական ես, որպես իմը չեմ գովե,
Դաշտերդ առատ բերքով լցվել է, ծով է,
Քո կենսատու ջուրն էլ որքան համով է,
Անուշ, անմահական, սիրուն Հայաստան,
Օրեցօր բարձրացող հասակիդ ղուրբան։

Ջրմուղներ ու գետեր, մեր ժամանակի,
Նոր - նոր գործարաններ ամեն տեսակի,
Քո պատկերն օրեցօր կբացվի, կծաղկի,
Բույրով եդեմական, սիրուն Հայաստան,
Օրեցօր բարձրացող հասակիդ ղուրբան։

Հավասու կյանք ու հույս, Երևան քաղաք,
Բայց քեզ ինչպե՞ս գովեմ, հայ ազգի հոգյակ,
Համայն աստղերի մեջ մի հատ ես, լուսնյակ,
Պանծալի Երևան, սիրուն Հայաստան,
Օրեցօր բարձրացող հասակիդ ղուրբան։

ՀԱՅՐԵՆԻՔ

Մա՜յր իմ Հայաստան, սիրուն աննման, քո եդեմական բույրն անուշ,
Դու տեսքով գարուն, ծաղկած գալարուն, սարիդ վարարուն ջուրն անուշ.
Միշտ մնաս կայտառ, արևի պես վառ, հստակ ու պայծառ, Հայրենիք,
Կուզեմ անդադար թողած սեր ու յար, երգել քեզ համար, Հայրենիք։

Ի՞նչ ունի որդին, մոր նման անգին, մատաղ քո տեսքին, ես մատաղ։
Քեզ պիտի սիրեմ, կյանքս նվիրեմ ու սիրտս բերեմ քեզ մատաղ,
Կապրեմ քո հույսով, քո բարի բույսով անմար լույսով, Հայրենիք,
Կուզեմ անդադար, թողած սեր ու յար, երգել քեզ համար, Հայրենիք։

Հավասին եմ ես, պիտի գովեմ քեզ, նազելի հարս ես միամոր,
Ես որ գուսան եմ, քեզ պարտական եմ, պիտի գովքդ անեմ ամեն օր,
Փառքիդ համեմատ, երգում եմ ազատ, մայր իմ հարազատ, Հայրենիք,
Կուզեմ անդադար, թողած սեր ու յար, երգել քեզ համար, Հայրենիք։

ՀԱՅԱՍՏԱՆԻ ՍԻՐՈՒՆ ՍԱՐԵՐ

Ծաղկոտ լեռներ Հայաստանի,
Աշխարհում հայտնի, անվանի,
Երանի տամ ձեզ, երանի,
Որ ծաղկաբեր գարնան օրեր
Անցկացրել եք հազար դարեր,
Հայաստանի սիրուն սարեր։

Վարդ աղջիկներ կգան ձեզ մոտ,
Ձեր գառ ու վառ տեսքին կարոտ,
Սրտեր բացող չորս դին արոտ,
Ուրախ երգեր, խինդ ու պարեր,
Եվ այսպես շատ ու շատ դարեր,
Հայաստանի սիրուն սարեր։

Հավասին եմ, երգիչն իմ յարի,
Յարս է ծնունդ ոսկե դարի,
Սովետական լույս աշխարհի,
Դուք որ տեսնեք, կառնեք լարեր,
Էլ չեք քնի հավերժ դարեր,
Ու կդառնաք աշուղ, սարեր։

ՈԻՇԱՑԱԾ ՆԱՄԱԿ

Ցնծությամբ լցվեց այսօր տունը մեր,
Այսպես մի օր էլ ամենքին լիներ,
Ստացա նամակ՝ մեծ ավետաբեր,
Խնդությամբ բացի, կարդալով լացի.
Երգելով մնացի՝ գալու է յարս։

էն արյան դաշտից, մարտերից երկար,
Եկան վատ լուրեր, բոթեր անհամար,
Թափել է արյուն հայրենյաց համար
Ասպետ ասլանս, վիրավոր ջանս,
Արծիվ թառլանս, գալու է յարս։

Անցել էր արդեն տարին բոլորակ,
Որ չէի ստացել ո՛չ լուր, ո՛չ նամակ։
Խոցված էր սիրտս անսուր, անդանակ.
Երգեց Հավասին՝ ցնծաց իմ հոգին,
Մեռնեմ էն ճամփին, գալու է յարս։

ԳՆԱՆՔ ԵՐԵՎԱՆ

Անցկացավ հունվարը, ցուրտ փետրվարը,
Եկավ գարնան օրը, գնանք Երևան,
Բողբոջ հանեց ծառը, կանաչեց սարը,
Բացվեց ճանապարհ, գնանք Երևան։

Հայաստանի սերը, սիրուն պատկերը,
Քաշում են սրտերը, ջահելն ու ծերը,
Գարնան պարտեզները, զով գիշերները,
Բացվել են վարդերը, գնանք Երևան։

Տեսնում եմ երազով, հասնում եմ վազով,
Զարթնում եմ վռազով, մնում մուրազով,
Արի երգ ու սազով, գարնան տարազով,
Անցնենք Ալագյազով, գնանք Երևան։

Հավասին եմ, բարի գուսանն իմ յարի,
Սովետական դարի, հայոց աշխարհի,
Սերս չի դադարի, միշտ կվարարի,
Արի, յար ջան, արի, գնանք Երևան։

ԿՈԼԽՈԶԻ ՉՈԲԱՆ

Նոր լուսաբացին, արևից առաջ
Հոտդ փռվել է սարն ի վեր կանաչ,
Արոտիդ չորս դին բացվել է կակաչ,
Քեզ պես դուրեկան, կոլխոզի չոբան։
Արևնամուտին տուն արի, յար ջա՜ն,
Կոլխոզի չոբան, արևիդ ղուրբան։

Ես էլ մայիսին չեմ մտել պարտեզ,
Չեմ քաղել ծաղիկ, վարդեր հրակեզ,
Իմ անուշ հովիվ, կսպասեմ ես քեզ,
Իմ ծաղիկ գարնան, կոլխոզի չոբան։
Արևնամուտին տուն արի, յար ջա՜ն,
Կոլխոզի չոբան, արիդ ղուրբան։

Իմ սերն է անքուն հոգուդ ընկերը,
Հսկում է հոտիդ ողջ գիշերները,
Հավասն էլ երգեց հերոսիդ սերը,
Քաջ ու պատվական, կոլխոզի չոբան։
Արնամուտին տուն արի, յար ջա՜ն,
Կոլխոզի չոբան, արիդ ղուրբան։

ՀԱՅԱՍՏԱՆՑ Ի

Եկել ես Վրաստան, լինեմ քո գերին,
Մտել ես պարտեզը աղունիկներին,
Զարմացրիր վրաց հրեշտակներին,
Արի մոտս, ձեռքդ տուր, հայաստանցի,
Այրվում եմ, հասցրու ջուր, հայաստանցի,
Քեզ նման սիրունին սիրահարվել եմ,
Տարար ուշք ու միտքս, խելագարվել եմ,
Սիրում եմ քեզ, հայաստանցի,
Վառվում եմ ես, հայաստանցի,
Սիրում եմ քեզ, մարալ, մարալ, մարալ, մարալ
Վառվում եմ ես, ջեյրան, ջեյրան, ջեյրան։

Հայ աղջիկ, քեզ համար ի՞նչ երգեր հանեմ,
Վարդ ծաղիկ ասեմ, թե՝ թռչուն անվանեմ,
Թե երգեր սիրում ես, քո ցավը տանեմ,
Արի մոտս, ձեռքդ տուր, հայաստանցի,
Այրվում եմ, հասցրու ջուր, հայաստանցի,
Քեզ նման սիրունին սիրահարվել եմ,
Տարար ուշք ու միտքս, խելագարվել եմ,
Սիրում եմ քեզ, հայաստանցի,
Վառվում եմ ես, հայաստանցի,
Սիրում եմ քեզ, մարալ, մարալ, մարալ, մարալ
Վառվում եմ ես, ջեյրան, ջեյրան, ջեյրան։

Հավասին մատաղ քո դեմք ու տեսքին,
Նման ես մեր երկրի արտերի հասկին,
Քեզ սիրողն ի՞նչ կանի աշխարհի ոսկին,
Արի մոտս, ձեռքդ տուր, հայաստանցի,
Այրվում եմ, հասցրու ջուր, հայաստանցի,
Քեզ նման սիրունին սիրահարվել եմ,
Տարար ուշք ու միտքս, խելագարվել եմ,
Սիրում եմ քեզ, հայաստանցի,
Վառվում եմ ես, հայաստանցի,
Սիրում եմ քեզ, մարալ, մարալ, մարալ, մարալ,
Վառվում եմ ես, ջեյրան, ջեյրան, ջեյրան։

Ի՞ՆՉ ԱՍեՄ ՅԱՐԻՍ

Պարտեզում, իրիկնապահին
Ընկերներով ման կուգային,
Բացվել էր դեմքը երկնային
Արև ասեմ, թե,
Լուսին ասեմ, թե,
Ի՜նչ, ի՜նչ ասեմ, գեղեցիկ յարիս։

Երգում է սրտի սերիցը,
Սազն էլ չի գցում ձեռիցը,
Թափում է շրթունքներիցը,
Նաբաթ ասեմ, թե,
Շաքար ասեմ, թե,
Ի՜նչ, ի՜նչ ասեմ, անուշիկ յարիս։

Հավասու դարդերը ծով է,
Դարձյալ նստել յար կգովե,
Հետս էլ չի խոսի, խռով է.
Համր ասեմ, թե,
Բլբուլ ասեմ, թե,
Ի՜նչ, ի՜նչ ասեմ սիրունիկ յարիս։

ՉՈԼԻ ՋԵՅՐԱՆ

Իմ կյանք ու սեր, սիրուն աղջիկ,
Սիրուն աղջիկ, ալվան ծաղիկ,
Ալվան ծաղիկ, սարի եղնիկ,
Արի սեյրան, չոլի ջեյրան,
Չոլի ջեյրան, ես քեզ ղուրբան։

Ձայնդ քաղցր, լեզուդ անուշ,
Լեզուդ անուշ, բադամ ու նուշ,
Բադամ ու նուշ, դու մեղրաթուշ,
Արի սեյրան, չոլի ջեյրան,
Չոլի ջեյրան, ես քեզ ղուրբան։

Հավասն եմ, քեզ խնդիր կանեմ,
Խնդիր կանեմ, կյանք տուր ապրեմ,
Կյանք տուր ապրեմ, զուր չմեռնեմ,
Արի սեյրան, չոլի ջեյրան,
Չոլի ջեյրան, ես քեզ ղուրբան։

ՅԱՅԼԱՎՈՐ ՅԱՐՍ


Սարի ճամփով ալ ու ալվան,
Յայլավորը շարվե - շարան,
Շտապում են պար բռնելու
Ծաղկած լանջին բարձր լեռան։
Պար եկող, քո պարին մեռնեմ,
Քո սիրած զով սարին մեռնեմ,
Կաթնաղբյուրի ճերմակ ջրով
Հովացած ջիգյարին մեռնեմ։

Հագել են ալ գարնան տարազ,
Բարձրանում են վեր նազենազ
Իրիկնադեմ երգ ասելով,
Տուն կդառնան խիստ վազեվազ
Շտապով ընթացող յարս,
Երեսին քրտնի ցող յարս,
Գիշերվա լուսինն չիմանա
Արով գնացող յարս։

Յայլավորը թեթև կգա,
Իմ յարը հևիհև կգա,
Հայաստանի սեգ սարերին
Կաթը ձեռքին ներքև կգա։
Տուն արի, թառլանիդ ղուրբան
Հավասին ջեյրանիդ ղուրբան,
Յարի համար սեր է քաշել,
Սարի կթվոր, ջանիդ ղուրբան։

ԶԵՓՅՈՒՌ ԲԱՐԵՎ ՏԱՐ

Անուշ հովիկ, եկար գարնան,
Ծաղկեցրիր այգի, բուրաստան,
Գնա դեպի իմ մայր Հայաստան,
Զեփյուռ, բարև տար իմ յարին,
Գարնան արև տար իմ յարին։

Ման է գալիս բուրաստանում,
Վարդի բույրով հանգստանում`
Սովետական Հայաստանում,
Զեփյուռ, բարև տար իմ յարին,
Կարմիր արև տար իմ յարին։

Անուշ հովիկ, դարդս լացով,
Շնկշնկալով սիրտս բացող,
Հավասուն իսպառ մոռացող,
Զեփյուռ, բարև տար իմ յարին,
Կյանք ու արև տար իմ յարին։

ԵՂՆԻԿԻ ՊԵՍ ԾՈՒՌ ՄԻ ԱՇԵ


Ալ երեսդ ալա է,
Բացված կարմիր լալա է,
Նայվածքդ, սիրուն աղջիկ,
Գլխիս դարդ ու բալա է։
Եղնիկի պես ծուռ մի աշե, սիրո՛ւն ջան,
Ջահել սիրտս դու մի մաշե, սիրու՛ն ջան։

Այրող սերդ սառել է,
Սիրտդ ինձնից դառել է,
էդ քո նայել, ժպտալդ
Խելքս գլխիցս առել է։
Եղնիկի պես ծուռ մի աշե, սիրո՛ւն ջան,
Ջահել սիրտս դու մի մաշե, սիրու՛ն ջան։

Հագածդ նուրբ տարազ է,
Հասակիդ լավ կսազե,
Քեզ հետ ասել, խոսելը
Ե՛վ ցավ է, ՛ մուրազ է։
Եղնիկի պես ծուռ մի աշե, սիրո՛ւն ջան,
Ջահել սիրտս դու մի մաշե, սիրու՛ն ջան։

ԱՆՆՄԱՆ ՏԱՐԱԶՈվ

Աննման տարազով, թել-թել մազերով,
Իմ յարն եկավ անցավ հազար նազերով,
Լուռ գնաց` մնացի բարևին կարոտ,
Ինչպես սիրտս է երկնուց արևին կարոտ։

Ես մի երգ ասացի ման գալու հարմար,
Ես տխուր՝ ինքն ուրախ խնդալուն հարմար
Հետի ընկերները քաշեցին տարան,
Մաշված սիրտս էլ նորից մաշեցին տարան։

Անգութն էլ չլսեց Հավասուս երգին,
Այտերին նման էր փնջերը ձեռքին,
Յարս բաղեն գնաց, կուրծքը վարդերով,
Աչքս լալեն մնաց, սիրտս՝ դարդերով։

ՋԱՎԱԽԵՑԻ ՍԻՐՈՒՆ ԱՂՋԻԿ

Ո՛վ, Ջավախքի սիրուն աղջիկ,
Սեգ Աբուլի լանջի ծաղիկ,
Ես էն ծաղկանց միջի գառն եմ,
Ինչու համար քեզի դառն եմ,
Ջավախեցի, ջանիդ մեռնեմ։

Սարին աշել, բոյ ես քաշել,
Չինար բոյովդ կյանքս ես մաշել,
Ես էլ էն քո երկրի ծառն եմ,
Ինչու՞ համար քեզի դառն եմ,
Ջավախեցի, ջանիդ մեռնեմ։

Սարեն կուգաս վարդի թերով,
Սիրտդ լիքն է յարիդ սիրով,
Սերս սրտիդ սերին խառնեմ,
Ինչու՞ համար քեզի դառն եմ,
Ջավախեցի, ջանիդ մեռնեմ։

Դու Հավաunւ կյանքի արև,
Նեղացել ես, չես տա բարև,
Արի՛, արի՛, սիրտդ առնեմ,
Ինչու՞ համար քեզի դառն եմ,
Ջավախեցի, ջանիդ մեռնեմ։

ԱՆԳՈԻԹ ԱՇԽԱՐՀ

Անգութ աշխարհ, ինձ դարդ տվիր անփարատ,
Կարծես ես քո որդին չէի հարազատ,
Այլոց համար բարի մայր ես գթառատ,
Անգութ աշխարհ, իմ ջիգյարը դաղեցիր,
Դաղեցիր ու վերքերիս աղ շաղեցիր։

Գիշերն անծայր երկինքս էլ ամպոտ էր,
Թախծախնդիր իմ բողոքը քեզ հետ էր,
Անմեղ հոգիս լուսաբացիդ կարոտ էր,
Անգութ աշխարհ, իմ ջիգյարը դաղեցիր,
Դաղեցիր ու վերքերիս աղ շաղեցիր։

Երևանն է այսօր շքեղ, աննման,
Երջանիկ են տեսնողները մշտական,
Թող տեսնեի ես էլ, գոնե մի անգամ,
Անգութ աշխարհ, իմ ջիգյարը դաղեցիր,
Դաղեցիր ու վերքերի ս աղ շաղեցիր։

Հավասին եմ, տանջող դարդիս ճար չկա,
Մանուկ օրից անտակ վշտի ծովն ընկա,
Ամեն քայլում մի ընկերի ենթակա,
Անգութ աշխարհ, իմ ջիգյարը դաղեցիր.
Դաղեցիր ու վերքերիս աղ շաղեցիր։

ՀԱՎԱՍԻՆ ՍԱԶ Է ՆՎԻՐՈՒՄ
ԻՐ ՎԱՐՊեՏ ԹԻՖԻԼՈԻՆ

Սազ եմ բերել, վարպետ, խնդրեմ ընդունես,
Թե ավել, թե պակաս, Հավասուդ ներես,
Ինչ ցանկաս, նոր սազով միշտ գլուխ բերես,
Իմ անգին ուսուցիչ, ազն՛իվ Թիֆիլի։

Տարիներով քեզ հնազանդ մնացի,
Քո շնորհիվ միտքս, աչքերս բացի,
Ջանք չխնայելով հասցրիր հացի,
Հայրական հոգու տեր, անգի՛ն Թիֆիլի։

Ի՜նչ բառեր որոնեմ, ի՜նչ գույներ փնտրեմ,
Որ լավերից լավը քեզ համար ընտրեմ,
Թե սխալմունք ունեմ, թողություն խնդրեմ,
Միշտ բարու մեջ մնաս, բարի՛ Թիֆիլի։

Սազս ուսած կանցնեմ քո ճանապարհով,
Տուր քո ճարտար ձեռքը մնաս բարով.
Եթե սրտիս շուշեն չջարդեն քարով,
Քեզ միշտ պարտական է քո սան Հավասին։

Ներողամիտ եղիր քո սանին նորից,
Գոհացա ձեզանից ու ձեր շնորհից,
Դժվար է բաժանվել իմ Հիսնի մորից,
Միշտ շնորհապարտ եմ քեզ, վարպետ Թիֆիլի։

ԽԱՂՈՎ ԱՆՑԱՎ


Արտից եկող սիրուն փերին
Ի՜նչ անուշ ծիծաղով անցավ,
Չէր մոռացել սիրած յարին,
Եկավ ու մեր թաղով անցավ։
Թաղով անցավ, խաղով անցավ,
Ի՜նչ անուշ ծիծաղով անցավ։

Հոգին բարի, սիրտն անխռով,
Ալ երեսի քրտինքը ծով,
Շատ է սիրում ծառերի հով.
Գարնան կանաչ բաղով անցավ։
Բաղով անցավ, խաղով անցավ,
Ի՜նչ անուշ ծիծաղով անցավ։

Չկա, չկա ոչ մի երկիր
Յարիս նման մեկ յար ընտիր,
Իր այտերի նման կարմիր
Վարդը ձեռքին շաղով անցավ։
Շաղով անցավ, խաղով անցավ,
Ի՜նչ անուշ ծիծաղով անցավ։

Վրթանեսի յարն արևոտ,
Ամոթխած է օտարի մոտ,
Ինձ չթողեց ձայնին կարոտ,
Անուշ երգ ու տաղով անցավ։
Տաղով անցավ, խաղով անցավ,
Ի՜նչ անուշ ծիծաղով անցավ։

ԳԱՐՆԱՆ ԾԱՂԻԿ ԵU

Գարնան ծաղիկ ես, ծաղիկ հոտավետ,
Բույրդ գալիս է անուշ հովի հետ,
Գարունն է լցրել քեզ իր շաղերով,
Բլբուլն է երգել անուշ տաղերով։

Մենակ ես բացվել գարնան բաղի մեջ,
Նոր արշալույսի անուշ շաղի մեջ,
Մենակ ես հաղթել հազար-հազարին,
Հազար երանի քո սիրած յարին։

Անուշ աղբյուր ես՝ սարից ես գալիս,
Ծարավ ճամփորդին ջուր էլ չես տալիս,
Հեռվից կարծում են զովացնող ջուր ես,
Խմողին այրող կրակ ես, հուր ես։

Բաց արա լեզուդ, լոկ մի բառ ասա,
Ջրով չի մարի, ի՞նչ կրակ է սա,
Բաց արա սիրտս, թող ապրեմ էլի,
Դարձիր Հավասուդ, անուշ նազելի։

ՎԱՐԴԵՐԻ ՄԵՋ , ԴԱՐԴԵՐԻ ՄԵՋ

Յար, քեզանից հզոր չկա,
Սիրո վառման մարտերի մեջ,
Ով որ տեսնի ուշքը կերթա,
Դու լալ ու զառ դարդերի մեջ։
Զարդերի մեջ, վարդերի մեջ,
Սիրտս թողիր դարդերի մեջ։

Երբ տեսնում եմ քեզ խնդալիս,
Ես տխրում եմ, արյուն լալիս,
Արտույտ դառել, ման ես գալիս
Գարնան կանաչ արտերի մեջ։
Արտերի մեջ, վարդերի մեջ,
Սիրտս թողիր դարդերի մեջ։

Մայր արևին դու չես զիջել,
Դեմքիդ ծիծաղ է կարկաչել,
Կարծես գարնան շաղն է իջել
Խաս կակաչի ալ թերի մեջ։
Ալ թերի մեջ, վարդերի մեջ,
Սիրտս թողիր դարդերի մեջ։

Հավաս, երգչիդ վառ սերն է ծով,
Նման գարնան արտերի մով,
Արի ման գանք զով գիշերով
Մեր ծաղկաշատ հանդերի մեջ։
Հանդերի մեջ, վարդերի մեջ,
Սիրտս թողիր դարդերի մեջ։

ՅԱՐ, ՈՒ՞Ր ԵՍ ԴՈՒ

Ձմեռն անցավ, իմ նազելի,
Յար, չիմացա, թե ու՞ր ես դու,
Ծաղիկների հետ բուրալի,
Գարնան բացվող աղբյուր ես դու։
Յար, ո՞ւր ես դու, աղբյուր ես դու,
Ծարավ սրտի սառ ջուր ես դու։

Յար, քեզ գովեմ հազար երգով,
Հազար երգով, սիրո խոսքով,
Անուշ լեզվով, դեմ ու տեսքով,
Սրտեր այրող վառ հուր ես դու։
Յար, ո՞ւր ես դու, աղբյուր ես դու,
Ծարավ սրտի սառ ջուր ես դու։

Յար, Հավասու երգն իմանաս,
Սիրուց տանջված սիրտդ բանաս,
Ուր էլ գնաս, ուր էլ մնաս,
Առանց յարի տխուր ես դու։
Յար, ո՞ւր ես դու, աղբյուր ես դու,
Ծարավ սրտի սառ ջուր ես դու։

ԶՈՒՐ ԿԵՐԹԱՍ

Արի՛ յար ջան, արի՛, սեր ջան, լալ ու մարջան գոհար ես,
Գոհար անգին ու թանկագին, դու իմ կրծքին քնար ես,
Քնար լարով, անգին քարով, գնաս բարով, ո՞ւր կերթաս,
Արի՛, արի՛ , եղնիկ սարի, առանց յարի զուր կերթաս։

Օրն է գարուն, քեզ պես սիրուն, դու դալարուն ծաղիկ ես,
Ծաղիկ քնքուշ, բացվել ես ուշ, բուրմունքդ անուշ փնջիկ ես,
Փնջեր քաղել, սիրտս դաղել, մենակ թողել, ո՞ւր կերթաս.
Արի՛, արի՛, ծաղիկ սարի, առանց յարի զուր կերթաս։

Զուր ցավեցիր, խռովեցիր, կաքավեցիր նազենազ,
Նազերդ առար, թռչնիկ դառար, թեթև թռար վազեվազ,
Վազ տալով վար, դու սիրահար, Հավասու յար, ո՞ւր կերթաս,
Արի՛, արի՛, թռչնիկ սարի, առանց յարի զուր կերթաս։

ԿԱՐՈՏ ԿԵՐԹԱՄ

Ո՜հ, ինչ դժվար օր էր այսօր,
Երկինքս ամպոտ, միտքս մոլոր,
Սիրուդ սրով իմ սրտին խոր
Յարա տվիր, յարոտ կերթամ,
Ես քեզանից կարոտ կերթամ։

Վերջին անգամ տվիր ձեռքդ,
Էլ չեմ լսի անուշ երգդ,
Էլ չի բուժվի տված վերքդ,
Յարա տվիր, յարոտ կերթամ,
Ես քեզանիր կարոտ կերթամ։

Քեզ բան ասել շատ դժվար է,
Շատ դժվար է, անհնար է,
Վերքս անդեղ ու անճար է,
Յարա տվիր, յարոտ կերթամ,
Ես քեզանից կարոտ կերթամ։

Մեր թշնամին ուրախացավ,
Նախանձ սիրտը հանգստացավ,
Իսկ Հավասիդ վերք ստացավ,
Յարա տվիր, յարոտ կերթամ,
Ես քեզանից կարոտ կերթամ։

Ա՜Խ, ՄԻ ԱՆԳԱՄ ԷԼ ԶԻՋԵԻՐ

Ա՜խ, մի անգամ էլ զիջեիր, սիրուհիս, քեզ բան ասեի,
Նորից աչք - ունքդ գովեի, սիրուն, աննման ասեի,
Ծաղկադալար սարի նման ծոցիդ բուրաստան ասեի,
Բլբուլին կարոտով տանջող վարդով վարդարան ասեի։

Երանի՜ քեզ չճանաչող անծանոթ, օտար լինեի,
Կամ լավ ու վատից անտեղյակ, սիրուց բեխաբար լինեի,
Կամ թե մարմար կրծքիդ վրա մի ոսկեքաշ լար լինեի,
Մատաղ սրտիս քնքուշ զարկով հնչեի, ջան - ջան ասեի։

Մի անգամ ասի՝ ի՞նչ ասեմ, ասիր, տեսքիս արև ասա,
Կարմիր խնձոր անվանեցի, ասիր՝ վարդի տերև ասա,
Բոցավառ կանթեղ աչերիդ դու խնդրեցիր, թե սև ասա,
Երանի մեկ էլ երգեի, նախշուն ծիածան ասեի։

Դու Հավասուդ ելած սիրտը զովացնեիր հովի նման,
Սրբեիր արցունքն աչքերիս, չթողնեիր ծովի նման,
Ախ ու վախով չմեռնեի անբախտ Սայաթ - Նովի նման,
Սիրուն ձեռդ կրծքիս վրա, հիմա տուր վախճան, ասեի։

ՔԵԶ ԷԼ ՉԻ ՄՆԱ

Դու մի աննման փերի ես,
Քեզ նման հողածին չկա,
Միայն սիրո մեջ թերի ես,
Քեզանում սեր կարգին չկա։
Ցավ դրիր սրտիս վրա,
Հիմա ուր կուզես գնա,
Քեզ էլ չի մնա։

Շատ եմ ասել վարդ բուրավետ,
Համեմատ ել աստղերի հետ,
Հրեշտակի լույս երեսդ,
Ասում ես՝ «Քեզ բաժին չկա»:
Ցավ դրիր սրտիս վրա,
Հիմա ուր կուզես գնա,
Քեզ էլ չի մնա։

Հազար տեղով վերքս բացիր,
Սիրո ցավը դու չզգացիր,
Ինչ շահ ունես՝ վերջն իմացիր,
Որ ասեն Հավասին չկա։
Ցավ դրիր սրտիս վրա,
Հիմա ուր կուզես գնա,
Քեզ էլ չի մնա։



Наш онлайн кинотеатр   www.leninakan.com   был  создан в 2009 г. На сайте Ленинакан точка ком Вы насладитесь фильмами, завоевавший наибольшую популярность среди Киноманов. Мы стараемся выкладывать видео высокого HD качества. Следить за последними новинками кинематографа добавляя сюжеты и описание к ожидаемым премьерам. Также, на сайте Leninakan.com Вы найдете сериалы, покорившие сердца миллионов пользователей Онлайн. Для юных зрителей мы собрали лучшую коллекцию мультфильмов и Аниме. Онлайн кинотеатра Leninakan.com не поддерживает видео сексуального характера. На нашем Онлайн ресурсе вы сможете не только смотреть фильмы бесплатно, но и скачать фильмы в DVD. На нашем сайте все фильмы, мультфильмы и сериалы Вы можете смотреть бесплатно и без регистрации.
 
фото - видео - стихи - анекдоты » ПЕСНИ И СТИХИ » Стихи » Վահան Տերյան | Vahan Teryan | Ваан Терьян
Страница 3 из 10«12345910»
Поиск:



Новые  Армянские  фильмы,  старые  Армянские  фильмы, Армянские мультфильмы  Вы можете смотреть в разделе   все Армянские фильмы и сериалы. База фильмов и сериалов, постоянно обновляется самыми свежими новинками Haykakan_kinoner вышедшие в онлайн. На нашем сайте Ленинакан точка ком выкладываются полюбившиеся зрителям все старые и новые Армянские фильмы и новые Армянские сериалы, Новые Армянские сериалы, очень быстро стал популярным Для зрителей онлайн. Мы создали систему, чтобы Вы имели возможность просмотра все популярные новые фильмы и сериалы . На сайте Ленинакан точка ком, Вы легко найдете для просмотра все Армянские  фильмы  и  популярные  Армянские  сериалы.
Добро пожаловать в онлайн кинотеатр leninakan.com, где можно бесплатно и без регистрации смотреть  фильмы онлайн. На данном сайте собрано большое число фильмов и сериалов различных годов и жанров. Коллекция насчитывает около 100000 онлайн фильмов, которые Вы можете смотреть бесплатно и без регистрации. Для любителей затяжных сюжетов, на сайте есть  Армянские  сериалы, которые постоянно обновляются. Представленные онлайн фильмы размещены по категориям смотреть Армянские фильмы и сериалы, для более удобного поиска, нужного именно Вам фильма. У нас Вы найдете следующие категории фильмов онлайн. Армянские фильмы, Индийские фильмы, Русские фильмы, Комедии, Драмы, Мелодрамы, Боевики, Триллеры, Фильм ужасов, Приключения, Фантастика, Боб фильм, Сериалы Онлайн, Фильмы в переводе Гоблина  и  конечно же для детей Армянские мультфильмы онлайн.
Служба leninakan.com , желает Вам приятного просмотра новые  и  старые  фильмы онлайн.